Voorraad opname

Tyd vir opname van my lewe

En dit maak my bang

Laat ek dit doen voor die moed my begewe

Moet die oorsaak vind van die traan op my wang

Het ek gedoen wat ek wou

Het ek bereik wat ek kon

Het ek gedoen wat ek sou

Het ek gegaan na my Bron

Is ek tevrede met die status

Is ek genoeg vir die om my

Is ek meer as net my bates

Is ek sterk genoeg om hier te bly

Die antwoord is nie maklik om by uit te kom

Die tyd is soms net nie genoeg

Maar ek glo ek moet aanhou blom

Aanhou in die harde grond ploeg

En ophou om oor die klein goed te wroeg

Tersia Latti